Mae’r ffotograffydd Bruce Cardwell yn cynnig gwrogaeth weledol i fyd y bugail Cymreig. Mae’n dathlu ffordd o fyw a diwylliant sydd wedi aros yn ddigyfnewid i raddau helaeth dros ganrifoedd lawer, ond sydd bellach yn wynebu amrywiaeth o fygythiadau dirfodol, megis newid ym mlaenoriaethau cyllid amaethyddol y Llywodraeth a goblygiadau newid hinsawdd.
Mae’r cymunedau hyn yn gronfa bwysig o’r iaith Gymraeg, arferion traddodiadol, a gwerthoedd diwylliannol. Fe’u cynrychiolir yn yr arddangosfa hon gan ddelweddau o unigolion, ac arsylwadau ffotograffig o weithgareddau sy’n ffurfio trefn flynyddol bugeilio.
Canolfan y celfyddydau perfformio a gweledol yn Ynys Môn, Gogledd Cymru
