Ucheldre

Ar y cyd gyda Chwmni Theatr Arad Goch mae Llwyddo’n Lleol wedi trefnu sioeau cymunedol ar gyfer teuluoedd siroedd ARFOR sef Sir Gâr, Ceredigion, Gwynedd a Môn.

Mae Taith ARFOR – Cymrix yn ddigwyddiad i’r teulu cyfan ac yn gyfle i bawb ddod ynghyd i wylio drama newydd, cyffrous gan y dramodydd Alun Saunders sydd yn ymdrin â hunaniaeth Gymreig a’r iaith Gymraeg trwy lygaid tri pherson ifanc. I ddilyn y perfformiad, bydd gweithdy hwyliog i bobl ifanc/plant o dan arweiniad hwylusydd profiadol – lle bydd yna gyfle i’r bobl ifanc/plant serennu wrth gyfleu’r gorau o’u hardal leol!

Felly, dewch yn llu i ddigwyddiad sy’n agos i chi i fwynhau sioe a gweithdy egnïol sy’n rhoi cyfle i’r plant ymfalchïo yn eu hardal leol.

Mae’r tocynnau yn RHAD AC AM DDIM ond mae angen archebu eich lle cyn gynted â phosib drwy ddilyn y dolenni o dan y poster isod!