Ma’r trwmpedwr Tomos Williams yn dychwelyd i Aberystwyth gyda’i brosiect newydd sy’n ail-ddychmygu cerddoriaeth draddodiadol Cymru. Mae’r band ‘Blodeugerdd / The Great Welsh Songbook’ yn cynnwys sêr y sîn jazz Cymreig: Huw Warren (piano) Paula Gardiner (bas) a Mark O’Connor (drymiau), a bydd Rachel Musson yn ymuno ar y tenor sax, y gantores ifanc arbennig Eadyth Crawford yn ogystal a Tomos ar y trwmped.
Teilt chwareus ywr ‘Great Welsh Songbook’ sy’n tynnu ar yr enw ‘The Great American Songbook’ sef conglfaen nifer o alawon a chyfansoddiadau’r byd jazz. Bydd ‘Blodeugerdd’ yn cynnwys trefniannau newydd o alawon gwerin Cymreig yn y traddodiad jazz Ewropeaidd – gan dynnu ysbrydoliaeth o Wlad Pwyl i’r Eidal, Ffrainc i’r Ffindir. Bydd y band hefyd yn perfformio cyfansoddiad newydd wedi’i gomisiynu gan Ganolfan Ucheldre. Meddyliwch am sŵn jazz adnabyddus ECM – gyda llais Cymreig.
Diolch i Ganolfan Ucheldre ac i Dŷ Cerdd am nawdd i gyfansoddi’r gerddoriaeth newydd ac i Ganolfan y Celfyddydau Aberystwyth am gefnogi’r prosiect.
Tomos Williams – trwmped
Eadyth Crawford – llais
Rachel Musson – tenor sax
Huw Warren – piano
Paula Gardiner – bas
Mark O’Connor – drymiau
Canolfan y celfyddydau perfformio a gweledol yn Ynys Môn, Gogledd Cymru
